اضطرابات الاكل

فيه انواع كثيرة من اضطرابات الاكل بس النهارده حنتناول اشهر نوعين فقط هما البوليما و الانوراكسيا

يمكن ناس كتير اوي هتستغرب احنا هنتطرق للموضوع ده ليه و احنا علي ابواب رمضان و المفروض نتكلم عن التغذيه في رمضان  بصراحه الناس اللي بيعانوا من اضطرابات الاكل او eating distorter   بتزيد حالتهم سوء في رمضان و يمكن مش بيلاقوا مساعده من حد لانهم مش بيقولو لحد انهم بيعانو من كده

اولا :- بالنسبه  للبوليميا او الشره العصبي هو عبارة عن نوبات من الاكل تتضمن كميات كبيرة من الاطعمه عاليه السعرات الحراريه يليها حث علي القئ او تناول ملينات او رياضه كثيفه بهدف تخليص الجسم من الطعام الذي تم اكله اثناء النوبه

هذه مشكله خطيرة قد تؤدي الي مشاكل طبيه مثل القرح ، النزيف الداخلي و انفجار المعده وتلف الكلي

و اسباب البوليميا غالبا بتكون نفسيه و عاده مرتبطه بالضغوط و الغريب في الموضوع بقي ان المصابين بالبوليميا مش بيكونوا رفيعين  يعني ممكن تلاقيهم كمان زائدين الوزن

ونجد عندهم نقص في البوتاسيوم و الصوديوم وده ممكن يؤدي الي الجفاف و تقلص العضلات و في بعض الاحيان توقف القلب

ومن العلامات الاخري سقوط الشعر ، الجلد الاصفر سوء رائحه النفس ، الاجهاد العضلي و الدوار

نصيحتي للمصابين بالبوليميا :-

-عدم تناول السكر في اي صوره و تجنب ماكولات اللحم المملح و الدقيق الابيض و تناول الكثير من الالياف

اما بقي بالنسبه للمرض الثاني و هو فقدان الشهيه العصبي او Anorexia  nervosa    فهو عبارة عن اضطراب في الاكل يتميز برفض الاكل لدرجه تصل الي الموت جوعا  و الناس دي رغم ضعفهم و نحافتهم الا انهم شايفين انهم في حاجه لا نقاص وزنهم

يعني عندهم شعور سلبي عن شكل جسمهم معظم الناس اللي بيعانوا من المرض بيشعروا بالجوع بدايه المرض بصوره طبيعيه لكنهم بيعلموا نفسهم ازاي يتجاهلوا الاحساس ده .

فقدان الشهيه بيؤدي لانقاص الوزن الشديد و توقف الطمث و تورم الرقبه تاكل في المرئ تحطم الاوعيه الدمويه في الوجه و نقص معدل النبض و ضغط الدم

بخصوص التغذيه الخاصه به  :-

1-   تناول غذاء متوازن يحتوي علي الالياف مثل الخضروات و الفاكهه

2-   لا تستخدم السكر و منتجات الدقيق الابيض

3-   تجنب الطعام المصنع و المعالج

4-   الزنك يقوم بمساعده العديد من الاشخاص اللي بيعانوا من Anorexia  في استعاده الشهيه و الوزن الطبيعي لهم .